Some Thoughts on Mirzapur 2

Simple solutions that could have solved all problems Mirzapur season 2  is trying to solve.. Also some insights to the the lives of all protagonists to make it bit easier.. If you haven't seen the season and don't want spoilers, you may postpone reading ahead till you watch the season.

A. Sabse pahle to Bauji ke room ka cable connection katwao, animal planet dekh dekh ke animal ban gaye hain..

B. Kaleen bhaiya ko ek Shilajit aur kesar ki bottle dilawao,patanjali wala rahe to badhiya, .. isse Beena bhabhi aur Desh dono atmnirbhar ho jaayenge. Aur nashte mein kaleen bhaiya ko bhi wohi kheer do, jo Bauji khate rahte hain.

C. Jo ilaaz Munna bhaiya ka ho raha hai, wohi ilaaz Guddu ka bhi karwao.. paanch goli kha ke Munna bhaiya pahle episode mein theek ho gaye, aur keval do goli kha ke Guddu bhaiya poore season langda rahe hain..

D. Beena ke Bachche ka DNA karwao.. mujhe to ab maqbool per shak ho raha hai.. bahut ho gaya loyalty ka nautanki..

E. Lala ko kaho ki jo hair dye baalon mein lagate hain, dadhi mein bhi laga lein.. achcha thode lagta hai chitkabra ban ke ghoomna..

F. Golu madam ka bas ek fantasy session Guddu bhaiya ke saath karwa do, phir waisi ulti seedhi fantasy dubara nahin hogi..

G. Senior pandit ka bhi count wala test karwao.. unki bachcon ke ek bhi lakshan unke jaise hain nahin.. lagta to hai ki Guddu pandit senior Tripathi ke hi bete hain.. 

Mirzapur ki gaddi ka saara maamla bhi settle ho jayega.

H. JP Yadav ko kaho ki woh bhi Bangkok jaaker Baba ki tarah ek mahine ka meditation karein.. chhoti si baat ke liye bhai ko bhi marwaya aur khud ki bhi lagwa li..

I. Dadda Tyagi ko Bihari kahna band karo.. Bihar mein koi second hand gaadi nahin kharidta.. infact koi gaadi kharidta hi nahin hai, sabko dahez mein nayi gaadi milti hai..

J. Robin urf Radheshyam ko finance minister banao UP ka.. faltoo ke uska talent barbaad kar rahe hain chhote mote kaam mein.. Robin ka bhi DNA test karwao... Saala Tripathi, Shukla aur Tyagi sabka kaminapan ek hi aadmi mein kaise aaya, pata chalna chahiye..

K. Guddu pandit ko samjhao ki decide karein ki karna kya chahte hain.. Mr. Mirzapur banna chahte the, phir Bahubali banne lag gaye, ab Beena bhabhi ko promise kar diye ki uska beta raja banega.. apne hone wale bachchon ko kaise bhool gaye Bheeshma pitamah ..

L.  Kaise bhi ho, jaise kaleen bhaiya ko last mein bacha liye, waise hi BHO-Wale chacha ko bacha lo.. Agar mar bhi gaye hon, to Kyonki saas bhi kabhi bahoo thi wale Mihir ke style mein wapas se zinda karo.. Bhale aadmi the, aur achcha dance karte the..

M. Aur ek chhota sa doubt poochhna hai sabse.. Bhaiya jab saare log Mirzapur, Ballia, Siwan se hi ho, sab log bhojpuri bolna kaise bhool gaye . Kam se kam ek aadmi ka accent to bhojpuri hona chahiye..

Baaki sab theek hai.. Banao season 3 bhaukaal type ka, season 2 type taany taany fuss mat kar dena..